بـ 5 اختبارات اعرفي نوع مسامية الشعر!
أول خطوة في رحلة العناية بشعركِ الكيرلي هي معرفة نوعه وطبيعته لاختيار المنتجات المناسبة ليه وعشان نعرف أنسب طريقة للتعامل معاه، ودا هنحققه عن طريق فهم “مسامية الشعر”.
معرفة نوع شعرك هي بوابتك لفهم احتياجاته واختيار روتين العناية المناسب له، لأن أوقات كتير بنقرأ عن واحدة بتشكر جدا في منتج معين وبترشحه لغيرها، وواحدة تانية بتقول على نفس المنتج انه نشف ووقع لها شعرها .. يا ترى ايه السبب؟
السبب بسيط جدا وهو أن طبيعة كل شعر بتكون مختلفة عن غيره، ممكن تجربي منتج ينفع جدا معاكي بس يجيب نتيجة عكسية لو جربتيه مع اختك أو بنتك، وبالتالي كل نوع شعر بيحتاج طريقة معينة في التعامل ومنتجات مناسبة اكتر، عشان كده مهم جدا والخطوة الأولى قبل بدء أي روتين هو معرفة نوع شعرك.
في المقال ده هنشرح ازاي تعرفي نوع شعرك عن طريق مسامية الشعر؛ ودا عشان تعرفي ايه هي احتياجاته ومشاكله وبالتالي تعرفي ازاي تتعاملي معاه أيا كان نوعه، وازاي تختاري له بنفسك المنتجات والروتين المناسب ليه.
حقيقة مسامية الشعر!
بدأ مؤخرا يحصل جدال كبير بين مؤيدين فكرة معرفة مسامية الشعر وقد ايه هي مهمة وبتفرق في رحلة الاهتمام بالشعر الطبيعي، وما بين معارضين ليها على اعتبار انها خرافة ومجرد سبوبة لبيع منتجات العناية بالشعر.
الحقيقة إن مسامية الشعر هي واحدة من الجوانب المهمة جدا في معرفة نوع شعرنا، ومهم نعرف نوع شعرنا عشان نختار له المنتجات والروتين المناسب ليه، ولكن الخرافة هو الاختبار المتداول باستخدام شعرة في كوب الماء. على مدار السنوات الاخيرة اثبت المتخصصين انه اختبار ليس له أي أساس علمي وضد قوانين الفيزياء وبالتالي أي نتيجة هيطلعها فهي نتيجة مغلوطة.
في المقال ده هنشرح ازاي تعرفي نوع شعرك من حيث مستوى المسامية وهنوضحلك 5 اختبارات أو علامات تقدري تعرفي من خلالهم نوع مسامية شعرك؛ ودا عشان تعرفي ايه هي احتياجاته ومشاكله وبالتالي تعرفي ازاي تتعاملي معاه أيا كان نوعه، وازاي تختاري له بنفسك المنتجات والروتين المناسب.
ما هي مسامية الشعر؟ وما أنواعها؟
مسامية الشعر بتعبر عن مدى قدرة الشعر على امتصاص المياه والترطيب وفي نفس الوقت مدى قدرته على الاحتفاظ بيهم، والشعر بينقسم إلى 3 أنواع من المسامية:
1- شعر منخفض المسامية:
الشعر بيتكون من طبقة خارجية محكمة ومسام ضيقة، ودا بيخلي في صعوبة في امتصاص المياه والرطوبة والمنتجات، بس بمجرد ما بيمتص الرطوبة بيقدر يحافظ عليها لأطول فترة ممكنة.
2- شعر متوسط المسامية:
الشعر بيتكون من مسامات واسعة بعيدة عن بعض، ودا بيسمح للمياه والرطوبة أنها تتخلل الشعر وتدخل بسهولة وفي نفس الوقت بتخرج منه بسهولة فبيفقد الترطيب بسرعة.
3- شعر عالي المسامية:
وهنا الشعر بيتسم بخصائص متوازنة ما بين الشعر منخفض وعالي المسامية.
5 اختبارات لمعرفة نوع مسامية الشعر
هناك اختبار منزلي مشهور ومتداول جدا وهو اختبار طفو الشعر في كوب الماء، ولكن للاسف الابحاث العلمية واغلب المختصين اجمعوا أنه اختبار ليس له أي اساس علمي، عشان كدا بنقدملك 5 اختبارات تقدري تعرفي من خلالها نوع مسامية شعرك.
1- اختبار اللمعان:
هل بتلاحظي أن أغلب الوقت شعرك لامع ولا مطفي وبهتان؟
في أغلب الاحيان الشعر منخفض المسامية بيظهر لامع لان المسامات بتكون قريبه جدا من بعضها على عكس الشعر عالي المسامية اللي بيكون أغلب الوقت مطفي وبهتان خصوصا لو مش مترطب كويس لأنه بيفقد المياه والرطوبة أسرع.
2- اختبار الرائحة:
هل شعرك بيلقط بسهولة روائح المكان اللي كنتي متواجدة فيه؟
لو كنتي متواجدة في مكان فيه روائح قوية ونفاذة (زي محلات العطور، مطاعم الفرايد تشيكن، اماكن متواجد فيها مدخنين) ولما مشيتي شميتي نفس الريحة في شعرك، دي علامة قوية ان شعرك مسامية عالية.
3- اختبار المياه + المنتجات:
هل بتلاحظي ان شعرك عنده قدرة على امتصاص المنتجات بسهولة؟
وانتي بتغسليه هل بيتبل بسرعة بشكل كامل ولا بياخد وقت طويل عشان المياه تتخلله؟
الشعر منخفض المسامية بيمتص المنتجات والمياه بصعوبة على عكس ذو المسامية العالية بيمتص المنتجات بسهولة خصوصا اللي قوامها تقيل، غير ان المياه بتتخلله بسهولة في اقل من دقيقتين اثناء الغسيل.
تقدري تفهمي أكتر من خلال الفيديوهات التالية الموضحة للاختبار ونتايجه:
4- اختبار تجفيف الشعر:
هناك اختبار منزلي مشهور ومتداول جدا وهو اختبار طفو الشعر في كوب الماء، ولكن للاسف الابحاث العلمية واغلب المختصين اجمعوا أنه اختبار ليس له أي اساس علمي، عشان كدا بنقدملك 5 اختبارات تقدري تعرفي من خلالها نوع مسامية شعرك.
5- اختبار البروتين:
هناك اختبار منزلي مشهور ومتداول جدا وهو اختبار طفو الشعر في كوب الماء، ولكن للاسف الابحاث العلمية واغلب المختصين اجمعوا أنه اختبار ليس له أي اساس علمي، عشان كدا بنقدملك 5 اختبارات تقدري تعرفي من خلالها نوع مسامية شعرك.
مهم جدا تاخدي في الاعتبار نتائج أغلب الاختبارات عشان تقدري تحددي بشكل صحيح مسامية شعرك.
لو اتضحلك من خلال الاختبارات أن نصهم بيدلوا على ان شعرك مسامية منخفضة والنص التاني مسامية عالية يبقى في احتمال من الاتنين: يا إما شعرك مسامية متوسطة، أو أن فروة راسك بتحمل أكثر من نوع لمسامية الشعر.
- لو الاحتمال الاول هو الاقرب وشعرك مسامية متوسطة: كدا مسامية شعرك طبيعية وتقدري تجربي أنواع مختلفة من المنتجات، لحد ما تعرفي ايه أكتر منتجات بتجيب نتيجة مرضية بالنسابلك مع شعرك.
- لو الاحتمال التاني هو الأقرب: فـ ماتقلقيش دا منتشر وشائع جدا بين البشر ان فروة الرأس يكون فيها أكتر من نوع مسامية وحتى curl pattern مختلف.
دلوقتي بعد ما حددتي نوع مسامية شعرك، يلا نعرف إزاي تهتمي بيه!
الشعر عالي المسامية:
- بيحتاج ترطيب عميق وماسكات بروتين بشكل مستمر، على الأقل مرة اسبوعيا.
- بيحتاج المرطبات اللي قوامها تقيل ومكوناتها طبيعية (زي: زبدة الشيا، زيت جوزالهند، زيت جنين القمح، زيت الزيتون)، والأفضل يتعمله تصفيف كيرلي وهو مبلول ومغمور بالمياه.
- النوع دا من الشعر أغلب الوقت جاف وهايش، عشان كدا مهم جدا نستخدم شامبو خالي من السلفات على الفروة فقط، وباقي الشعر نغسله ببلسم عشان نعزز من ترطيبه.
- بعد البلسم أو ماسك الترطيب استخدمي مياه باردة او فاترة في غسيله لغلق مساماته والاحتفاظ بالترطيب.
- حاولي بقدر الإمكان تتجنبي الحرارة بكل أنواعها والصبغة والمواد الكيميائية؛ لأنها بتعرضه أكتر للتلف والتقصف والجفاف.
الشعر منخفض المسامية:
- بعد ما تغسلي شعرك نشفيه شوية بتيشيرت قطن واستخدمي كريم التصفيف (ليف إن كريم) على شعر مندي؛ ودا لأنه لو امتص كمية كبيرة من المياه هيلاقي صعوبة في امتصاص المنتجات وبالتالي مش هيكون مترطب كويس.
- قبل ماسك الترطيب أو حمام الكريم اشطفي شعرك بمياه دافية او استخدمي البروكاب؛ عشان تساعديه يمتص الترطيب بسهولة.
- استخدمي منتجات قوامها خفيف وبكميات قليلة عشان تتجنبي تراكم المنتجات على الشعر.
- الزيوت المناسبة للشعر منخفض المسامية هي الزيوت الخفيفة زي زيت الجوجوبا، زيت الارجان، وزيت اللوز الحلو.
الشعر متوسط المسامية:
- الافراط في استخدام الحرارة والصبغة والمواد الكيميائية بيفقده التوازن وبيحوله لمسامية عالية.
- التوازن بين الترطيب والبروتين في المنتجات المستخدمة هيظهرلك أفضل نتيجة.
- دخلي في روتينك الاسبوعي ماسك ترطيب عميق مرة بيحتوي على بروتين لتغذيته.
ولأننا في كيرلي سيكرتس بنهتم بكل التفاصيل وعلشان نسهل عليكي اختيار المنتجات المناسبة لشعرك عملنالك فلتر للمنتجات،
تقدري تشوفي من هنا منتجات مناسبة للشعر عالي المسامية ومن هنا منتجات مناسبة للشعر منخفض المسامية
الخلاصة
في النهاية لازم تعرفي:
- إن في عوامل كتير بتساهم في تحديد سمات الشعر زي العامل الوراثي، تغيير الطقس، تلوث الهوا والاكل والمياه، تعرض الشعر للحرارة والصبغة والمواد الكيميائية الضارة.
- إن مفيش نوع شعر احسن من التاني، مفيش شعر حلو وشعر وحش!
- الشعر الطبيعي له جماله الخاص المهم هو تعرفي ازاي تتعاملي معاه وتهتمي بيه.